Miprotesta ang nasod nga Vietnam sa pag-angkon sa China ug Pilipinas bahin sa gi-awayan nga teritoryo sa West PH Sea nga gikonsiderar nga kaugalingon nga teritoryo niini.
Ang Manila ug Beijing nagbinayloay og aksyon sa miaging semana sa Sandy Cay nga usa ka grupo sa gagmay nga mga sandbank sa Spratly Islands waterways, human ang taho sa state media sa China nga nailog na nila kini.
Ang Pilipinas ug China naglambigit sa mga komprontasyon sa maong teritoryo, nga giangkon sa Beijing bisan pa sa international ruling nga ang pagpahayag niini walay legal nga basehan.
Kaniadtong Sabado, Mayo 3 ang tigpamaba sa foreign ministry sa Vietnam nga si Pham Thu Hang miingon sa usa ka pahayag nga gi-post sa opisyal nga website sa gobyerno nga ang Hanoi “nag-isyu sa mga protest notes sa mga nasud nga nalambigit bahin sa mga paglapas sa soberanya niini sa Sandy Cay”.
Giisip sa Vietnam ang adunahan sa kahinguhaan ang Spratly Islands nga nahimutang 500 kilometros gikan sa sidlakang baybayon niini ug giisip nga kabahin sa teritoryo niini.
Ang Vietnam, kauban ang daghang pang kanasuran sa rehiyon kay nag-angkon usab nga mga bahin sa strategic waterway.
