CENTRAL VISAYAS-Mipahayag si Lieutenant General Benedict M Arevalo, ang Commander sa Visayas Command nga ang ilahang nahimo nga kampanya batok sa CPP-NPA sa rehiyon sa Kabisay-an tungod sa National Task Force to End Local Communist Armed Conflict.
Gitataw niini nga ang Task Force to End Local Communist Armed Conflict naningkamot nga matuldukan ang lokal nga komunistang armadong panagsangka sa rehiyon sa Visayas.
Diin pipila sa gipasiugda niini pinaagi sa peace dialogue mechanism, community development initiatives, ug local government empowerment nga mga paningkamot.
Ang maong pamahayag gihimo human sa gipahigayon nga VISCOM Campaign Briefing sa tanang mga sakop sa Visayas diin ang maong kalihokan nagtumong sa pagpahibalo sa tanang Commander sa AFP units alang sa mga adjustment sa kampanya batok sa CPP-NPA ingon man sa kasamtangang tumong ug mga programa sa VISCOM nga maoy magsilbi nga basehan sa pagpahigayon sa internal nga mga operasyon sa seguridad.
Base sa datos nga gipresentar, ang tanang NPA-infested community sa Visayas region na-clear na ug ang community engagement efforts sa AFP gitumong na karon sa pagpugong sa pagbangon sa CPP-NPA sa rehiyon.
Subay niini, miawhag si Lt. Gen. Arevalo ngadto sa mga sakop nga dili magpanuko sa ilang mga paningkamot sa pagtuldok sa lokal nga komunistang armadong panagsangka sa rehiyon sa Kabisay-an, ug nanghinaot nga ang tingog sa katawhan mahimong usa ka puwersa sa pagpalihok aron dili magduhaduha sa pagsugpo sa nahibiling mga CPP-NPA.
