CENTRAL VISAYAS-Gipalihok sa Visayas Command (VISCOM) ang ilahang Election Monitoring Center (EMC) sa Headquarters niini sa Camp Lapulapu , dakbayan sa Sugbo.
Kini aron mapausbaw ang pagmonitor sa deployment sa mga pwersang pangseguridad alang sa Barangay ug SK Elections ug uban pang mga kalihokan nga may kalabotan sa eleksyon nga mahitabo sa tibuok rehiyon sa Visayas.
Gipasiugda ni Lieutenant General Benedict M Arevalo PA, ang Commander sa VISCOM, nga ang Election Monitoring Center naghatag ug direktang komunikasyon sa ilahang mga yunit on the ground, nga nagtugot nga makabaton ug real-time nga impormasyon ug mga update sa sitwasyon, ilabina panahon sa eleksyon.
Masiguro usab niini ang hapsay nga koordinasyon tali ug sa mga pwersa sa seguridad, ug sa COMELEC aron mapadali ang pagtubag kung adunay mga panghitabo nga mahitabo sa panahon sa eleksyon.
Nasayran nga ang EMC sa VISCOM mopadali sa koordinasyon sa PNP, Phil. Coast Guard, ug ang COMELEC sa regional level.
Kini usab ang modumala sa deployment sa mga security personnel ngadto sa mga polling centers sa tibuok Visayas region, pagmonitor sa uban pang election-related nga mga panghitabo o insidente ingon man ang pag-uswag sa proseso sa eleksyon atol sa adlaw sa eleksyon.
Sa samang paagi, ang center makadawat ug mo-refer usab sa tukma nga mga ahensya ug AFP nga mga reklamo batok sa mga security personnel nga nagdumala sa mga polling center.
