CENTRAL VISAYAS-Ipaubos na usab sa yellow alert ang Visayas grid sa ikaupat nga sunodsunod nga adlaw.
Kini tungod kay 20 ka planta sa kuryente ang nagpabilin nga naka-force outage o anaa sa derated capacities.
Sa gipagawas nga notice sa National Grid Corporation of the Philippines (NGCP), ang Visayas grid ibutang sa yellow alert gikan sa alas 3 sa hapon hangtod sa alas 4 sa hapon ug gikan sa alas 6 sa gabii hangtod sa alas 7 sa gabii.
Diin ang available nga kapasidad sa grid natala sa 2,926 megawatts samtang ang gipaabot nga peak demand niini anaa sa 2,596 megawatts.
Una niini, ang DOE niingon nga mas daghang yellow ug red alert ang gipaabot sa umaabot nga mga semana tungod kay nalapas na ang gibanabana nga panginahanglan sa kuryente sa nasud tungod sa nag-ung-ong nga init nga panahon tungod sa El Nino.
