CENTRAL VISAYAS-Gipahugtan na sa Visayas Command ang ilahang security efforts sa tibuok Visayas region samtang nagsugod na ang nasangpit nga election period alang sa Barangay ug Sangguniang Kabataan Elections (BSKE) 2023.
Nikabat na sa 239 ka mga checkpoints ang natukod sa tibuok rehiyon uban sa pakigtambayayong sa Philippine National Police (PNP) ug Commission on Elections (COMELEC) aron masiguro ang kalinaw ug seguridad atol sa pag-file sa COC, ug pagsuporta sa COMELEC ug PNP sa pagpatuman sa Gun Ban subay sa umaabot nga piniliay.
Subay niini, adunay kinatibuk-ang 1,297 ka AFP personnel nga gilangkuban sa upat (4) ka Opisyal, 630 ka Enlisted Personnel, ug 663 ka CAFGU Active Auxiliary ang gipakatap aron mangulo sa maong mga checkpoints.
Gawas pa kini sa 110 ka Opisyales nga gitudlo isip JSCC Liaison Officers nga maoy mopadali sa koordinasyon sa COMELEC, PNP, ug Philippine Coast Guard (PCG) aron maseguro ang koordinasyon ug dungan nga mga paningkamot sa seguridad sa tibuok election period.
Matud pa ni Lieutenant General Benedict M. Arevalo PA, kinsang Commander sa VISCOM diin miingon nga ang ‘early deployment’ sa naasoy nga kalihokan alang sa pagsiguro sa kaluwasan ug seguridad sa katawhan.
Subay sa ilang gipakusog nga mga seguridad, lakip niini ang internal security operation (ISO) diin nikabat sa napulo ka mga armado ang ilahang na-engkwentro.
