CENTRAL VISAYAS-Gihatagan og pasidungog sa Visayas Command ang kabayanihan sa mga katigulangan sa paghandum sa Araw ng Kagitingan, inubanan sa panawagan sa panaghiusa taliwala sa nagpadayong mga hagit sa rehiyon sa Kabisay-an.
Kini ang pahayag ni Commodore Oscar D. Canlas Jr., ang Acting Commander sa Visayas Command sa hamubo nga programa nga nahitabo sa usa ka mall.
Sa nasangpit nga kalihokan, gitumong sa VISCOM nga dili lamang ang pagpasidungog sa mga beterano nga nakigbisog alang sa kalingkawasan sa Pilipinas atol sa Ikaduhang Gubat sa Kalibutan kondili lakip na ang atong mga modernong bayani nga nagpadayon nga nag-alagad ug nanalipod sa nasudnong interes.
Gihuman ni Canlas Jr., ang iyang pamahayag diin iyang gi-awhag ang katawhan nga ipatigbabaw ang mga prinsipyo sa demokrasya, hustisya ug equality.
