Nagpasalamat si Bise Presidente Sara Duterte sa iyang legal team ug mga tigpaluyo human midapig kaniya ang hukom sa Korte Suprema (SC) batok sa iyang gitawag nga sayop nga paggamit sa proseso sa impeachment sa House of Representatives.
Gideklarar sa Korte nga immediately executory ang resolusyon, nga nagsuporta sa desisyon niadtong Hulyo 25, 2025 nga nag-ingon nga dili konstitusyonal ang mga articles of impeachment batok sa Bise Presidente.
Pinaagi sa pagbasura sa apela sa House of Representatives ug sa pagdili sa dugang nga mga pleadings, gipalig-on sa SC ang “one-year bar” rule.
Matod sa Korte, ang impeachment complaint nga gipadala sa Senado niadtong Pebrero 2025 nakalapas sa Konstitusyon tungod kay adunay susamang impeachment proceedings nga gisugdan sulod sa parehas nga usa ka tuig nga panahon.
Bisan pa niini, miingon si Bise Presidente Duterte nga andam siya kon adunay bag-ong reklamo sa impeachment nga ipasaka batok kaniya pagkahuman sa Pebrero 6.
Samtang, nagpasalamat usab ang legal team sa Bise Presidente sa Korte Suprema human sa ilang unanimous nga desisyon nga ibalibad ang mosyon alang sa reconsideration nga gisang-at sa House of Representatives may kalabotan sa impeachment proceedings.
