Nanawagan si Vice President Sara Duterte sa mga Pilipino nga maggahin og panahon alang sa pagpamalandong ug pag-ampo niining Semana Santa, samtang gipasiugda ang kahulugan sa sakripisyo ug pag-alagad.
Sa iyang mensahe, iyang gihulagway ang Semana Santa isip sagrado nga bahin sa pagka-Pilipino, ug gi-awhag ang publiko nga pamalandungon ang sakripisyo ni Hesukristo ug ang tinuod nga kahulugan sa pag-alagad sa isigkaingon.
Matud pa niya, ang kahilom sa maong panahon naghatag og higayon sa matag usa sa pag-usisa sa ilang mga pangandoy alang sa kaugalingon, pamilya, ug nasud.
Gipasiugda usab sa Bise Presidente ang kahimtang sa mga Overseas Filipino Workers (OFWs) sa Middle East, nga nag-atubang og mga hagit tungod sa nagpadayong tensyon sa rehiyon.
Gipadayag niya ang iyang paglaum alang sa ilang kaluwasan ug gi-awhag ang tanan sa pag-ampo alang sa ilang kahimtang.
Dugang pa niya, gi-awhag ang mga Pilipino nga iapil sa ilang pagpamalandong ang kaayohan sa nasud, ug pag-ampo alang sa usa ka katilingban nga gimandoan sa kamatuoran, hustisya, ug tinuod nga kabalaka.
