Mipahimangno sa publiko si Bise Presidente Sara Duterte batok sa pekeng hulagway nga mikatap online sa kahimtang sa iyang amahan nga si kanhi Presidente Rodrigo Roa Duterte sa prisohan sa International Criminal Court (ICC) sa The Hague, Netherlands nga himatyon daw kini og naglubog sa hospital bed.
Matod sa Bise Presidente nga “glowing” ra iyang pinirisong amahang bisan man nga nipyahok kini tungod sa pag-ubos sa iyang timbang.
Gisaysay niini nga dili tinuod ang mga mi-viral nga picture sa iyang tatay ug edited lang kini.
Sumala niya nga wala man intawn sa ospital si Tatay Digong apan anaa saregular wing sa ICC detention center.
Gani namahayag pa kini nga nakalakaw lakaw pa ang kanghi president kupot iyang sungkod nga nagklaro nga dili kini masakiton.
Dugang pa ni VP Sara nga sukad sa pagkabatan-on sa iyang amahan kay karon pa kini siya nakakita nga nidaot ang panglawas niini apan dili pareha sa mga viral pictures nga kun-ot na og gabitay ang nawng.
Sumada niya nga posibleng nidaot ang timbang sa kanhi president tungod nagbantay lang kini sa iyang diabetes apan glowing inside ang tiguwang nga Duterte.
Nanghinaot gani kini pinaagi sa ilang abogado nga hangyuon ang ICC nga magluwat og picture sa iyang amahan aron sa pagpahibalo sa publiko sa kamatuoran sa iyang kahimtang.
Kahinumduman nga niadtong Marso, si kanhi Presidente Duterte gidakop sa Ninoy Aquino International Airport ug gidala sa ICC headquarters aron atubangon ang mga alegasyon sa mga crimes against humanities kalabot sa war on drugs sa iyang administrasyon.
Ang pagdungog alang sa iyang pagkumpirma sa mga kaso temporaryo nga gitakda sa Setyembre 23, 2025.
