Gibarugan ni Bise Presidente Sara Duterte nga wala siya’y gilauman, ingon man maisogon nga atubangon ang iyang impeachment trial human sa proklamasyon sa 12 ka mga bag-ong senador.
Matud pa niini nga wala na siya magdahom nga maabsuwelto o bisan usa ka guilty nga hukom alang kaniya sa umaabot nga trial ug mibarog nga magpabilin siyang ‘kalinaw’ bisan unsa pa ang resulta.
Gihatagan usab og gibug-aton sa Bise Presidente nga gusto niya nga magpadayon ang trial aron adunay ‘bloodbath’ nga mahitabo sa Kongreso.
Samtang, daling gisaway dayon kini ni kanhi Senador Leila de Lima kabahin sa pamahayag ni Sara kalabot sa “bloodbath” sa umaabot nga impeachment trial sa Senado.
Isip sakop sa panel of prosecutors sa impeachment ug gipaabot nga representante sa Mamamayang Liberal (ML) party-list sa 20th Congress, nitubag dayon si De Lima sa social media. Matod niya nga dili mahimong “bloodbath” tungod kay ang akusado ra ang gipaubos sa trial.
Dugang pa niya nga ang impeachment trial usa ka seryoso nga proseso sa tulubagon ubos sa Konstitusyon, ug dili kini yugto sa kagubot o drama.
Hinungdan nga nipasidaan kini sa kampo ni Duterte nga posibleng mag-atubang og contempt kung mosuway kini sa pagbalda sa proceedings.
