Nimando ang Korte Suprema kang Bise Presidente Sara Duterte ug Atty. Israelito Torreon nga mohatag sa ilang komento sa mosyon nga gisang-at sa Kamara.
Kini human sa pagduso sa duha ka petitioner sa ilang ‘Motion for Reconsideration’, hinungdan nga daling nipadagawas ang Korte Suprema og kamanduan sa duha ka nahisgutang petitioner nga magpaambit sa ilang habig.
Nunot usab kini sa giaghat sa Korte Suprema nga nagpahigayon og En Banc session gahapong adlawa, Agosto 5 ning tuiga.
Diin gihatagan lang sila og napulo (10) ka adlaw sa pagsumiter sa ilang komento sa mosyon kalabot sa Impeachment.
Sa laing bahin, si Atty. Michael Poa, iyang legal counsel sa Impeachment, nikompirmar nga ilang tumanon ang kamandoan nga giluwatan sa Korte Suprema.
Kahinumduman nga gideklarar sa Korte Suprema nga unconstitutional ang articles of impeachment tungod sa paglapas sa Kamara sa 1 ka tuig nga lagda sa pagpasaka og impeachment complaint ug ang due process nga angay untang tagdon sa pagproseso sa reklamo.
