Hugot nga gihimakak ni Manila Rep. Rolan Valeriano ang isyu nga adunay gi-umol nga kudeta sa Kamara.
Kini subay sa pamahayag sa presidente sa National Unity Party (NUP) nga si Ronnie Puno nga wala sila matagbaw sa liderato ni House Speaker Bojie Dy.
Sumala ni Valeriano, normal lang nga adunay mga higayon nga dili “masulbad” sa pagdumala ni Speaker Dy ang pipila ka mga isyu sama sa mga may kalabutan sa mga proyekto sa distrito, apan wala kini magpasabot nga makig-away sila sa lider sa Kamara.
Sa pagtuo sa magbabalaod gikan sa Manila, ang mayoriya sa Kongreso nagpabilin nga hingpit nga nagsuporta kang Dy, ingon man sa administrasyong Marcos.
Gipahayag ni Valeriano ang iyang pasalamat nga sa ilang grupo sa NUP, wala sila gipugngan sa pagpataas sa mga isyu, inay giawhag sila sa konsensya ug hustisya.
Bisan sa isyu sa impeachment, nakita niya kini nga baruganan sa ilang partido.
