CEBU CITY-Gipahibaw sa Department of Trade and Industry (DTI-7) nga wala pay usbaw sa presyo sa pamalitunon sa Sugbo.
Kini ang gibutyag ni Donna Gladys Oro, ang Trade and Industry specialist subay na sa nanggawas nga taho nga misaka na ang presyo sa pamalitunon sa delata og mga noodles gumikan usab sa bigtime oil price hikes.
Matud ni Oro nga kung duna man gali announcement nga dunay pagsaka sa presyo, dili gihapon kini diha-diha dayon.
![](https://img.bomboradyo.com/cebu/2019/09/DTI-cebu-facade.jpg)
Sa kasamtangan, wala matud pay movement sa presyo tungod kay ang latest nga Suggested Retail Price (SRP) narelease niadto lang Hunyo 20.
Sagad usab sa price increase malunat pa og usa ka buwan ayha pa ma-implementar.
Gidugang usab ni Oro nga magdepende usab kini sa mga supermarket apan sa karon, nakita matud pa nila nga duna pay mga ‘old stocks’ ang mga tindahan hayan dili pa kini diha diha dayon magpatuman og price increase.