PROVINCE OF CEBU- Midahili ang yuta sa Barangay Tabionan, San Fernando, Sugbo Gumikan sa kusog nga uwan ug paghaguros sa hangin nga dala sa bagyong Opong, niadtong Biyernes sa kaadlawon, Septiyembre 26.
Matod sa Cebu Police Provincial Office, nahitabo ang pagdahili sa yuta pasado alas 4 sa kaadlawon diin nalubong ang usa ka hardware ug gamay nga gasoline station daplin sa dalan.
Dali usab nga giirespondihan ang maong insidente ug mihimo og clearing operations ang San Fernando Municipal Police Station lakip ang Municipal Disaster Risk and Reduction Management Office aron masiguro nga luwas ug maagian ang dalan.
Hinoun, wala ray nasuta nga mga nakalas nga kinabuhi sa maong pagdahilig ug yuta.
Mokabat sa ₱400,000 ang danyos sa maong insidente.
Samtang sa pikasbahin, Kapin 900-ka pamilya ang gipabakwit sa amihanan ug sentro Sugbo kagahapong adlawa, kini gumikan sa pagkuso-kuso sa bagyong Opong.
Lakip sa mga apektadong lugar mao ang lugar sa Madridejos, Daanabantuan, San Remigio, Tudela, Santa Fe, ug Bantayan.
Wala ra usab pasagdi sa kagamhanan sa probinsiya sa Sugbo ang bakwit ug gihatagan kinig mga hinanaling hinabang.
