Gikuwestiyon sa kampo sa negosyanteng si Charlie “Atong” Ang ang mando sa korte nga gi-isyu kalabot sa pagkawala sa mga sabungero, human ang Sta. Cruz, Laguna Regional Trial Court Branch 26 nag-isyu og warrant of arrest batok kaniya tungod sa kidnapping with homicide.
Sa usa ka pamahayag, si Atty. Gabriel Villareal, abogado ni Ang, nag-isip sa mando sa pag-aresto nga sayo pa ug kwestyonable sa balaod, ug mipahayag nga kini giingong nakalapas sa katungod sa iyang kliyente sa due process.
Sumala sa abogado, ang desisyon sa huwes gibase lamang sa dili kompleto ug one-sided nga impormasyon gikan sa Department of Justice, ug kuno wala gikonsiderar ang counter-affidavits ug ebidensya sa depensa.
Bisan pa niini, si Villareal miingon nga mosunod gihapon sila sa legal nga proseso ug mag-andam sa angay nga mga remedyo aron hagiton ang gi-isyu nga warrant of arrest, nga nag-ingon usab nga ang mga awtoridad kinahanglan nga mopatuman sa paagi nga nahiuyon sa balaod.
