Mitala og laing kadaugan ang Golden State Warriors sa preseason human gipildi ang karibal nga Sacramento Kings, sa iskor nga 109 – 106.
Nahimong episyente ang Warriors sa tibuok duwa nga adunay 48.5 nga shooting percentage ug nakahimo og 32 ka mga tira gikan sa 99 ka mga pagsuway.
Gihuptan usab sa Warriors ang free throw line ug nakahimo kini og kinatibuk-ang 32 ka tira gikan sa 37 ka pagsuway.
Bisan pa niini, gipalisod pag-ayo sa Kings ang Golden State human kini nakahimo og 16 ka steals. Gumikan niini, niabot og 23 ang turnover sa Warriors sa tibuok duwa.
Nangulo sa kadaugan sa Warriors mao si forward Moses Moody kinsa miiskor og 23 puntos samtang niamot og 19 puntos ug 7 ka rebounds ang kaubang forward nga si Jonathan Kuminga.
Gipangulohan ni De’Aaron Fox ang Kings nga adunay 19 puntos ug pito ka rebounds.
Sa pagkakaron, ang Warriors wala pa’y pildi sa tulo ka preseason games samtang ang Sacramento nagpabiling wala’y daog.
