Gipadala sa A.S. Fortuna Memorial Elementary School sa Barangay Guizo ang usa ka water pump, isip temporaryong lakang aron matabangan ang pagpakunhod sa pagbaha sa maong tunghaan, samtang ang Gobyerno sa Dakbayan sa Mandaue nagtrabaho sa mga solusyon sa dugay nga panahon sa balik-balik nga problema sa baha sa maong lugar.
Personal nga nipahigayon og inspeksyon si Mandaue City Mayor Thadeo Jovito “Jonkie” Ouano, uban sa mga opisyal gikan sa City Disaster Risk Reduction and Management Office (CDRRMO) ug sa City Engineering Office gahapong adlawa,
Agosto 3, human sa grabeng pagbaha nga nakapa-stranded sa mga estudyante sa milabayng semana.
Atol sa inspeksyon, si Ouano miingon nga ang eskwelahan nahimutang sa usa ka ubos nga lugar tupad sa Tipolo Creek, hinungdan sa pagbaha nga mo-abot sa tunghaan panahon sa kusog nga ulan ug inubanan sa paspas nga pagtaas sa tubig.
Matod niya nga ang mga engineers sa siyudad nag-ila sa dredging isip usa sa mga solusyon sa dugay nga panahon, ug namatikdan nga ang mga bahin sa sapa mikunhod tungod kay anaa sa lima ngadto sa unom ka metros sa agianan sa tubig ang giokupar sa mga informal settler, nga nagbilin lamang og mga tunga sa metro para makaagi ang tubig.
Isip usa ka dali nga interbensyon, ang gobyerno sa siyudad nagbilin ug water pump sa eskwelahan aron ang mga personahe makabomba sa tubig baha. Bisan pa, si Ouano miingon nga ang water pump limitado ra ang gamit panahon sa taas nga pagtaob tungod kay ang tubig natural nga motaas pagbalik sa lugar.
Subay niini, nanawagan usab si Ouano ngadto sa mga residente nga nagpuyo daplin sa agianan sa tubig nga mokooperar sa mga paningkamot sa siyudad sa pagpamenos sa baha.
Kahinomdoman nga sa miaging semana, daghang mga estudyante ang natanggong sulod sa eskwelahan human kusog nga misaka ang tubig baha, diin ang mga personahe gikan sa Mandaue City Disaster Risk Reduction and Management Office, uban sa tabang sa Guizo Barangay Emergency Response Team (BERT), nagbakwit sa mga estudyante gamit ang mga rubber boat.
