Ways and Means Committee Chair, midayeg sa DOH sa pagtubag sa panawagan sa Kamara nga tangtangon ang purchase booklet requirement sa mga senior citizen nga makapalit og tambal

Gidayeg ni House Ways and Means Chair Joey Salceda ang buhatan sa Department of Health, nunot sa pagpagawas sa Administrative Order 2024-0017.

Mao kini ang hingpit sa pagtangtang sa panginahanglan sa Senior Citizen booklet sa dihang ang mga senior mopalit og tambal.

Matod niya, dugay na kini nga kausaban nga kabahin sa pagdungog nga gihimo sa hiniusang komite sa Kamara.

Dugang pa sa Albay solon sa ilang mga hearing nga sagad sa mga senior citizen dili makakuha sa angayan nilang diskwento tungod lang kay makalimot sila sa pagdala sa maong booklet sa ilang pagpalit og tambal.

Hinungdan nga dako ang iyang pasalamat sa maong lakang.