Nagpagawas og bag-ong global guidelines ang World Health Organization (WHO), International Federation of Gynecology and Obstetrics (FIGO) ug ang International Confederation of Midwives (ICM) aron malikayan ang pagkamatay sa mga inahan tungod sa postpartum hemorrhage (PPH).
Gitumbok sa PPH isip sobra nga pagdugo human sa pagpanganak, nga maoy hinungdan sa dul-an 45,000 ka mga kababayen-an ang namatay kada tuig sa tibuok kalibotan.
Sumala sa mga eksperto, mahinungdanon nga mahatagan dayon kini og pagtagad aron maluwas ang kinabuhi sa liboan ka mga babaye.
Busa, girekomendar ang paggamit sa MOTIVE bundle, nga naglakip sa uterine massage, tambal, intravenous fluid, ug diha-diha nga pagsulay.
Ingon man nga giusab-usab ang diagnostic criteria gikan sa 500 mL, ang mga doktor kinahanglan nga molihok na kung ang dugo moabot sa 300 mL ug adunay mga abnormal nga vital signs.
Ang kamahinungdanon sa pag-atiman sa prenatal, labi na sa mga inahan nga adunay anemia, gipasiugda usab aron malikayan ang mga komplikasyon.
Subay niini, nanawagan ang mga ahensya sa mga gobyerno sa dinalian nga ipatuman ang mga rekomendasyon ug mamuhunan sa kahimsog sa inahan.
