‘Work for sale’ sa Cebu City Hall imbestigaran sa mayor

MIMANDO si Cebu City Mayor Edgardo Labella nga ipaubos sa imbestigasyon ang giingong pagpangilkil sa pipila ka mga empleyado sa City Hall aron makatrabaho sa city government.

Kini human nga nasayud ang mayor sa mga reklamo diin nangayo og 5,000 pesos ang giingong empleyado sa city hall aron makakuha og trabaho sa kagamhanan sa dakbayan.

Tungod niini, mi-awhag si Labella nga mosumiter og affidavit ang nangreklamo aron makadepensa ang giingong empleyado sa City Hall sa ilang bahin.

Gimanduan usab ni Labella ang city legal officer nga si Atty. Rey Gealon ang pagpahigayon sa maong imbestigasyon.

Hugot nga gibarugan ni Labella nga dili niya itolerar ang korapsyon sa Cebu City Government gumikan lang sa modus nga “work for sale.”