Kinse ka tuig na ang nakalabay sa dihang natala ang world record sa pinakataas nga paglupad sa paper airplane pinaagi ni Takuo Toda sa Japan ug malampuson kini nga nabungkag sa usa ka grupo sa Chinese teenagers.
Si Liu Liwen ug ang iyang mga ka-uban seryoso sa paghimo og paper airplanes kondiin sulod sa 60 ka adlaw, nakabungkag sila og duha ka world records.
Niadtong Pebrero 11, nagtigom sila sa Kunshan Sports Center sa Jiangsu aron sulayan ang pagbungkag sa rekord dala ang 10 ka paper airplane designs ug balik-balik kining gipalupad aron makuha ang pinakataas nga oras sa pagpalupad.
Ang daang rekord mao ang 29.2 seconds nga gitala ni Takuo Toda niadtong 2010. Apan nabungkag kini sa mga Chinese teens.
Si Rao Chongyi (16 anyos) nakaabot og 31.15 seconds, ug ang eroplano ni Liu Liwen milupad og 31.25 seconds.
Sa miaging tuig, misulay na sila apan 0.2 seconds ra ang kulang sa rekord. Bisan napakyas sila, wala sila niundang.
Mas kahibulong pa kay niadtong Disyembre 28, 2025, kini nga team nakabungkag usab sa record sa pinakataas nga gilay-on sa paper airplane, nga nakaabot og 98.43 metros.
Ug karon nagpaabot nalang ang grupo sa pag-aprobar sa Guinness World sa ang ilang aplikasyon.
