Gipunting karon sa Senado ang paspas nga pagpasar sa Senate Bill No. 1625, o ang “West Philippines Sea (WPS) Education Act” nga nagtumong sa paghimo sa pagtuon sa mga teritoryo sa kadagatan sa nasud nga kabahin sa kurikulum sa batakang edukasyon ug mas taas nga edukasyon.
Diin nanawagan si Senate Committee on Foreign Relations Chairman Erwin Tulfo sa iyang mga kaubang magbabalaod nga paspasan ang pagpasar sa balaodnon.
Kini human nga daw daghan pa gihapon nga mga Pilipino ang wala pa’y igong kasayuran bahin sa West Philippine Sea ug uban pang mga teritoryo sa nasud, busa kinahanglan nga mohimo og aksyon aron masiguro nga ang mga Pilipino adunay husto nga impormasyon bahin sa sitwasyon sa gilalisan nga kadagatan.
Ubos sa balaodnon, ang mga syllabi sa batakang edukasyon ug mas taas nga edukasyon maglakip sa mga materyales sa pagkat-on nga angay sa edad alang sa mga estudyante, lakip ang mga kamatuoran nga giila sa internasyonal, mga desisyon sa Korte Suprema, ug mga may kalabutan nga balaod bahin sa WPS.
Pinaagi sa kolaborasyon sa Department of Education (DepEd), Commission on Higher Education (CHED), National Mapping and Resource Information Authority (NAMRIA), National Security Council (NSC), Department of Foreign Affairs (DFA), ug uban pang may kalabutan nga ahensya sa gobyerno, ang mga materyales ug pagbansay-bansay nga pagahimoon ug kung hingpit nga mapatuman nga balaod, kini ang mandato sa DepEd nga ipahigayon ang katugbang nga pagbansay-bansay alang sa mga magtutudlo nga gitahasan sa pagtudlo sa WPS Education.
Samtang, ang balaodnon nag-awhag usab sa mga State Universities and Colleges (SUCs) sa pagdugang sa panukiduki ug mga pagtuon sa seguridad ug pagdumala sa kadagatan, mga komunidad sa baybayon, ug uban pang importanteng kahibalo nga may kalabotan sa WPS.
