CEBU – Usa ka 34-anyos nga babysitter ang nadakpan nga nakuhaan og P170,000 nga balor sa ‘shabu’ atol sa buy-bust operation nga gipahigayon sa Barangay Cansojong, dakbayan sa Talisay, pasado alas 5 sa buntag karung adalwa Domingo, Hulyo 3, 2022.
Giila sa kapolisan ang suspek nga si Mary Ann Cabuenas, kinsa giingong namaligya og ilegal nga drugas sa Barangay Cansojong sa dakbayan sa Talisay.
Nahimong ang kapulisan og transaksiyon kaniya, nga miresulta sa pagkasikop kaniya kilid sa South Road Properties sa maong barangay pasado alas 5 sa buntag.
Matud pa ni Police Lieutenant Colonel Randy Caballes, hepe sa Talisay City Police Station, nga ang ilang operasyon batok kang Cabuenas naggumikan sa mga taho nga ilang nadawat nga nalambigit kini sa illegal nga drugas.
Atol sa ilang operasyon, nasakmit sa kapulisan gikan kaniya ang mokabat 25 gramos nga shabu ug kini adunay gibanabana nga market value nga P170,000.
Kasamtangang gitanggong si Cabuenas sa detention facility sa Talisay City Police Station samtang nagpaabot sa pagpasaka sa tukmang kaso batok kaniya.
