Yulo nakadawat og extra cash gikan sa mga kongresista

Nakadawat ang double Olympic gold medalist nga si Carlos Yulo og dugang P14 milyones gikan sa House of Representatives.

Gitunol ni House Speaker Martin Romualdez ug pipila ka mga house leaders ang maong kantidad.

Diin si Romualdez mihatag og kinatibuk-ang P6 milyones diin P3-milyones sa matag bulawang medalya samtang kapin sa 300 ka mga magbabalaod ang nakaamot sa kinatibuk-an nga P8-M.

Gihatagan usab nila si Yulo sa Congressional Medal of Excellence tungod sa iyang kalampusan.

Ang tanang mga atleta sa nasod ug ang ilang mga coach nga misalmot sa bag-o lang nga Paris Olympics gihatagan usab og pag-ila sa Kongreso.

Ang mga bronze medalist nga sila si Nesthy Petecio ug Aira Villegas gihatagan og P2.5 milyones matag usa.