Gikataho nga andam motestigo si kanhi Ako Bicol Party-list Rep. Zaldy Co sa impeachment complaint batok ni President Ferdinand Marcos Jr., sumala sa mga complainant.
Si kanhi Congressman Mike Defensor miingon nga si Co abli nga mahimong saksi aron mapamatud-an ang reklamo.
Kini bisan kung anaa siya sa gawas sa nasud, mahimo siyang motestigo pinaagi sa teleconference.
Ang mga basehan sa impeachment gikataho nga naglakip sa mga isyu sa nasudnong badyet ug ang giingong “pagkidnap” ug pagbilanggo sa International Criminal Court ni kanhi Presidente Rodrigo Duterte sa The Hague, Netherlands.
Si Co nagsilbi nga chairman sa House Committee on Appropriations, apan mi-resign niadtong Septyembre taliwala sa nagpadayon nga imbestigasyon sa anomaliya sa pagkontrol sa baha.
Bisan pa, ang kanhi magbabalaod sa ulahi nag-akusar kang Presidente Marcos ug kanhi Speaker Martin Romualdez sa bilyon-piso nga kickbacks, mga alegasyon nga kusganong gihimakak sa mga kampo ni PBBM ug Romualdez.
