UKRAINE-RUSSIA,WAR-Gikumpirmar ni Ukraine President Volodymyr Zelensky ang pagsulong sa ilang mga tropa sa rehiyon sa Kursk sa Russia.
Kini ang unang higayon nga opisyal nga gikumpirmar sa Presidente sa Ukrainian ang pagsulong hapit usa ka semana pagkahuman gilunsad sa mga tropa sa Ukraine ang cross-border incursion kaniadtong Agosto 6.
Sa gipagawas nga pakigpulong ni Zelensky sa nasud, gipasalamatan niya ang matag unit sa Armed Forces sa Ukraine sa paghimong posible nga isulong ang gubat sa teritoryo sa kaaway.
Sa pinakaulahing report gikan sa Russian Defense Ministry, gipakita nga ang mga tropang Ukrainiano mi-abante og 30 kilometros sulod sa teritoryo sa Russia.
Ang mga pwersa sa Ukraine nagpabilin sa ilang posisyon sa rehiyon diin, ang mga awtoridad sa Russia nawad-an sa kontrol o ang Ukraine naglikos sa 250 square kilometers nga teritoryo.
Sa usa ka video nga gipaambit sa militar sa Ukraine sa social media kaniadtong Sabado, ang mga sundalong Ukrainiano makita nga nagtangtang ug naglabay sa bandila sa Russia sa building sa konseho sa baryo sa Sverdlikovo sa distrito sa Sudzhansky ug gipulihan kini sa bandila sa Ukrainian.
