Walay gikataho nga naangol sa pabuto atol sa pagsaulog sa Pasko, bisan paman adunay usa ka 33-anyos nga lalaki ang gipusil patay sa Barangay Tisa, dakbayan sa Sugbo.
Gihulagway ni Police Colonel Ireneo Dalogdog, hepe sa Cebu City Police Office (CCPO), nga malinawon sa kinatibuk-an ang pagsaulog sa Pasko.
Dugang pa ni Dalogdog nga ang zero firecracker incident nagpakita nga ang katawhan nasayod na nga ang mga pabuto o gagmay nga mga pabuto makadaot lang niini.
Nanghinaot ang CCPO director nga masinati usab ang susamang senaryo sa bisperas sa Bag-ong Tuig ug walay mabiktima sa mga pabuto ug saag nga bala.
Ang kadagkoan sa CCPO nanawagan sa tanang personnel niini ug ubang tag-iya og armas nga dili mogamit sa ilang armas sa pagsugat sa Bag-ong Tuig.
