₱3/kilo nga rollback sa LPG, gipatuman human gisuspinde ang excise tax sa LPG ug kerosene

Nagpatuman ang mga kompanya sa LPG og ₱3 nga rollback kada kilo sa Liquefied Petroleum Gas (LPG) o cooking gas karung adlawa Biyernes sa buntag, nga anaa sa ₱33 nga pagkunhod sa matag 11-kilo nga tangke.

Sumala ni Arnel Ty, Presidente sa LPG Marketers’ Association (LPGMA), ang pagkunhod sa presyo sa LPG tungod sa mas barato nga gasto sa pagpadala ug transportasyon.

Posible pa nga mosunod ang laing rollback depende sa lihok sa presyo sa lana sa merkado sa kalibutan.

Kahinumduman, nga mipirma si Pres.Ferdinand Marcos Jr. og executive order nga nagsuspinde sa excise taxes sa LPG ug kerosene sulod sa tulo ka bulan.

Kabahin kini sa lakang sa gobyerno aron maminusan ang epekto sa krisis sa presyo sa lana.