CEBU CITY-Gikompirmar ni Dr. Jaime Bernadas, ang regional director sa Department of Health (DOH-7) nga aduna na’y nagpositibo sa COVID-19 sa lalawigan sa Sugbo kinsang naa karon nahimutang sa dakbayan sa Mandaue.
Apan gitino usab sa direktor nga ang naasoy nga pasyente ang naa na karon sa ‘recovering’ kondisyon ug nakatakda na nga ma discharge sa tambalan.
Nasayran nga
ang pasyente usa ka 65 anyos nga lalaki kinsang gipa-ubo sa test niadtong Marso 11. Usa na kini daan ka Person Under Investigation (PUI) apan wala kini travel history sa gawas sa nasud apan gikan kini sa Mindanao ug Manila.
Nanghinaot ang direktor nga makapaambit ang naasoy nga pasyente sa iyang kasinati-an aron makuhaan usab ug mahinungdanong kasayuran sa publiko kalabot na sa COVID-19.
Samtang, gihimug-atan usab sa direktor nga wala kini o ang ilang buhatan gitago nga data o report kalabot sa nagpositibo sa Sugbo o kun duna man magpositibo. Sigon niini nga regular ang ilang paghatag sa media sa impormasyon ingon man pag-update sa ilang social media account hayan makasalig matud pa ang publiko sa ilang mga ipagawas nga figures.
Kini human usab nga daghan ang mga spekulasyon, human nga natala ang unang covid-19 case sa Sugbo.
Sa latest nga Data, gipahibalo ni Bernadas nga aduna nala’y 62 ka mga PUI’s sa Central Visayas gikan sa 76. Kini human nga 14 sa mga sample niini ang nabalik na og negatibo ang resulta.
Samtang aduna’y kapin 700 ang gitambagan sa buhatan nga magself quarantine human kini nila na contact trace.
‘Magpaka reporter ug magpaka doktor’
Aghat usab sa direktor karon sa publiko nga dili lang usa mag facebook gumikan kay daghan kaayo ang magpakareporter ug magpakadoktor, butang nga dili matud pa makatabang niining krisis nga gi-atubang sa nasud.
Samtang nagpahigayon usab dayon og close door meeting si Mandaue City Mayor Jonas Cortes ingon man ang kadagkuan sa lalawigan sa Sugbo kabahin sa dugang lakang human nga duna nay nagpositibo sa dakbayan sa Manduae.
