CEBU CITY-Gikompirmar ni Lapu-Lapu City Mayor Junard “Ahong” Chan nga duna nay kompirmado nga kaso sa COVID-19 sa iyang dakbayan apan giklaro niini nga ang unang taho nga duna pay laing usa nga nagpositibo ang dili tinood.
Kini human usab nga sa ilang pagtrace, dili taga Lapu-lapu ang usa.Apan giklaro usab sa mayor nga subject for confirmation pa kini sa Research Institute for Tropical Medicine (RITM) ug ang immediate family sa naasoy nga pasyente ang gipaubos na usab karon sa quarantine.
Nunot niini, nagpatuman na og Enhanced Community Quarantine si Chan kung diin epektibo kini karong petsa 29 sa alas dose uno sa tungag gabii.Niining maong kamanduan, mandatory na ang home quarantine apan dili lakip niini ang mga medical health personnel nga muadto sa ilang mga gitrabaho-ang tambalanan.
Magpabilin usab nga abli ang mga grocery stores, hospitals, pharmacies, gasoline stations ug mga bangko.
Samtang temporary usab nga mag-shut down ang Mactan Economic Processing Zone (MEPZ) sulod sa 72 hours.
