PROVINCE OF CEBU-Gipasidunggan ang 10-ka mga LGUs sa Cebu Provincial Capitol kagahapong adlawa, Lunes Septiyembre 2, 2024 sa nahitabong “Tabo sa Kapitolyo 2024” sa milabay nga buwan isip pag-ila sa hilabihang pinakanindot nga mga booths.
Nahitabo ang maong kalihukan sa Cebu Capitol Compound niadtong Agosto 5 hangtod sa tapos sa maong buwan diin gi-presentar ang nagkadaiyang produkto sa matag lungsod ug syudad.
Makadawat ug premyo nga P50,000 matag usa ang mga mananaog nga LGUs alang sa ilang maayo kaayong presentasyon, nga nagdala sa mga produkto ug industriya sa tibuok probinsiya.
Ang mga nakadaug nga mga LGUs kay mao ang mga lungsod sa Ronda, Barili, Pinamungajan, Tuburan, Sogod, Dumanjug, Consolacion , Daanbantayan, Poro ug dakbayan sa Toledo.
Nahitabo ang pagdalit sa pasidungog atol sa Tourism Officers Meeting sa Cebu Capitol Social Hall.
