CEBU CITY-Muabot sa 10 milyones ang kantidad sa mga illegal drugs evidence ang gisunog sa Philippine Drug Enforcement Agency (PDEA-7) karong adlawa pinaagi sa cremate chamber sa usa ka funeral home sa may Junquera St. Cebu City.
Gitambongan kini mismo sa PDEA Deputy Director General nga si Ricardo Quinto nga maoy usa sa mga guest of honor ug ang Regional Dir. nga si Felimon Yogi Ruiz. Matud ni Quinto nga gihimo kini nila para malikayan ang pagrecycle sa mga ebidensya nga nasakmit nila gikan sa mga drug operations.
Gawas sa shabu,lakip sa mga gisunog mao ang mga marijuana, nubane ug mga expired regulated drugs nga gisurrender sa mga pipila ka mga pharmacy sa Cebu.
Ang nahisgutang pagsunog sa ebidensya ay gitugutan sa Regional Trial Court (RTC) Branch 13 nga si Judge Mory Nueva diin nag-issue kini og court order para maablihan ang evidence room. Gikan sa evidence room gi-eskortan pa sa mga agents ang pagdala sa mga nahisgutang ebidensya hantud nga gisakay na kini hangtud maka-abot sa maong funeral home.
Nasayran nga ang mga nasunog nga ebidesya gikan sa mga kaso nga gipasaka gikan niadtong 2013 hangtud 2015.
Gisunog ang mga nahisgutang drogas sa kainiton nga 500 hantud 1000 degree celcius sulod sa 20 hanggang 30 minutos.
Nasayran usab nga mao kini ang una nga higayon nga nagsunog ang PDEA-7 sa mga ebidensya nga nasalmit nila gikan sa mga drug operations.
