CEBU – Mokabat sa 100 ka barangay sa Central Visayas ang ipaubos sa deliberasyon karong Lunes, Nob. 21, alang sa drug-cleared status.
kung diin matud pa sa tigpamaba sa Philippine Drug Enforcement Unit sa Central Visayas (PDEA-7) nga si Leia Alcantara Kwarentay-siyete niini nga mga barangay gikan sa lalawigan sa Sugbo, 45 sa Bohol, 7 sa Negros Oriental ug usa ka barangay sa Mandaue City.
Ang Regional Oversight Committee sa Barangay Drug-Clearing (ROCBDC) maoy magtuki sa mga aplikasyon sa maong mga barangay.
Sa pagkakaron, labing menos 1,558 pa ka barangay sa rehiyon ang nagpabiling apektado sa droga, Kini gikan sa 3,003 ka kinatibuk-ang barangay sa tibuok rehiyon.
Karong umaabot Nobiyembre 29, 2022, mag-imbitar usab ang ROCBDC sa mga representante niining mga drug-cleared barangay sa Plaza Independencia inubanan sa programa sa kapulisan.
Matod ni Alcantara nga ilang itunol ang mga sertipiko sa maong mga representante.
Sa pagkakaron, niabot na sa 1,329 ka barangay sa rehiyon ang gideklarar nga drug-cleared samtang 116 ang drug-free.
