11 ka buwan nga masuso napa-ig sa Sunog nga nahitabu sa barangay Duljo Fatima, dakbayan sa Sugbo

CEBU CITY-Patay ang usa ka 11 ka buwan nga masuso human nga na-apil sa sunog nga mi-ulbo sa Bohol Village, Barangay Duljo Fatima, dakbayan sa Sugbo, kagabii, Dominggo, Abril 16, 2023.

Giila ang biktima nga si Jeydane Reil Puza kinsang giingong gibilin sa ilahang panimalay gumikan kay adunay gilakaw ang mga ginikanan niini.

Gisulayan pa pagluwas sa mga silingan ang maong masuso, apan wala na gayud kini nila nasalbar human nga daling midako ang kayo.

Nasayran nga nadawat sa kabomberohan ang report sa sunog, alas 8:24 sa gabii, gi-isa sa first alarm alas 8:29, nakontrolar alas 8:34 ug hingpit nga napalong ang kayo alas 8:50 na kagabii.

Padayon pa usab karun nga gisuta sa kabomberohan ang hinungdan sa maong sunog.