-- ADVERTISEMENT --
CEBU – Napalgan na ang 12-anyos nga dalagita, ganiha alas 6 sa buntag Martes, Hulyo 26, kinsa na-missing niadtong Domingo sa hapon human kini gianod sa baha, sa kadagatan sa Barangay Tuyom sa dakbayan sa Carcar.
Matod ni Police Lieutenant Colonel Ardioleto Cabagnot, hepe sa Carcar City Police Station nga si Jendie Paran naglangoy-langoy sa sapa sa Barangay Can-asujan pasado alas 3 sa hapon niadtong Lunes, dihang gianod siya sa kusog nga sulog sa tubig.
Nakaplagan sa mga sakop sa Disaster Risk Reduction Management Office sa dakbayan, kapulisan, Bureau of Fire Protection, ug Bantay Dagat ang lawas ni Paran human sa kapin 12 ka oras nga pagpangita.
