13 ka tawo, namatay sa airstrike sa Israel sa Lebanon

Labing menos 13 ka mga tawo ang namatay sa mga airstrike sa Israel sa Lebanon.

Sumala sa Lebanese health ministry, nga upat ka babaye ug usa ka bata ang lakip sa mga nakabsan sa kinabuhi sa Haboush sa distrito sa Nabatieh.

Samtang, upat ka tawo ang namatay sa Zrarieh sa distrito sa Sidon.

Ang away tali sa Hezbollah ug Israel wala mohunong bisan pa sa tulo ka semana nga gipalugway nga ceasefire.

Kahinumduman nga ang inisyal nga 10 ka adlaw nga ceasefire gipahibalo niadtong Abril 16 human sa mga panagsulti tali sa mga embahador sa Lebanon ug Israel sa Washington.