14-anyos nga batang lalaki nga na-rescue sa WCPD ug kapulisan sa Station 5, gipaubos na sa diversion program sa DSWS

CEBU CITY-Gipaubos na sa diversion o intervention program ang menor de edad kinsang nakuhaan og 11 ka gagmay nga pakete sa gituohang shabu human nga na-rescue sa Women’s and Children’s Protection Desk sa Carbon Police Station 5 tungod sa kalambigitan niini sa iligal nga drugas.

Ingon man nga dili mapasakaan og kaso ang 14-anyos nga batang lalaki ug gani gi-turn-over kini sa Department of Social Welfare Services alang sa diversion program usa sa mga programa sa naasoy nga ahensya.

Ingon man nga ipaubos usab og counselling ang ginikanan sa bata.

Sa pikas bahin, mipaambit usab ang DSWS sa ilang programa nga Children’s haven program diin gilangkuban kini sama sa feeding, tudloan og mga proper hygiene, spiritual upliftment ug uban pa.