CENTRAL VISAYAS-Gibalhin sa Regional Joint Security Control Center (RJSCC) ang labing menos 15 ka mga local government units sa Central Visayas ang anaa sa Green Category ngadto sa Yellow Category.
Diin ang pito niini gikan sa Sugbo, lakip na ang dakbayan sa Sugbo, Mandaue City, Balamban, Daanbantayan, Argao, San Fernando, Dalaguete, ug Dumangjug.
Samtang ang nahabilin nga walo gikan sa Bohol, sama sa Tagbilaran City, San Miguel, Buenavista, Trinidad, Ubay, Inabanga, ug Tubigon.
Mao kini ang gikumpirma ni Atty. Francisco Pobe, ang Regional Director sa Commission on Election sa Rehiyon 7, diin ang rekomendasyon alang sa pagbag-o kay naaprobahan na ang status atol sa Regional Joint Security Control Center meeting niadtong Abril 28.
Kini nga desisyon gibase sa validation ug rekomendasyon sa Armed Forces of ang Philippines ug lokal nga kapolisan, nga giaprobahan sa mga regional director.
Gipasabot ni Pobe nga adunay duha ka primary factors ang gikonsiderar sa pagpaubos sa Yellow Category: Una niini, ang grabe nga panagbangi sa politika sa tali sa mga kaatbang partido, ug ang ikaduha, ang potensiyal nga pagtumaw sa mga hired personnel o hired forces nga mahimong hinungdan sa pagbutho sa kagubot .
Dugang pa niini nga ang pag-usab sa status kay mahitungod usab sa nagka-init nga eleksyon. | Bombo Nathaniel Sandoval
