-- ADVERTISEMENT --

Mikalas og 17 ka kinabuhi ang duha ka managlahing insidente sa pagpamusil sa South Africa niadtong Domingo, Nobyembre 15.

Sa probinsya sa KwaZulu-Natal, walo ka lalaki ang namatay human paulani og bala ang ilang gisakyang puti nga minibus.

Matod sa lokal nga mga awtoridad, miresponde dayon ang kapulisan human makadawat og taho bahin sa buto-buto ug nakaplagan na lang ang puti nga seven-seater nga sakyanan nga natusak-tusak sa mga bala uban sa mga patayng lawas sa mga biktima.

Paglabay sa pipila ka oras, siyam na usab ka tawo unom ka lalaki ug tulo ka babayeang gipusil-patay sulod sa usa ka payag sa informal settlement sa Atteridgeville, kasadpang bahin sa Pretoria.

Sumala sa usa ka residente, gatuo lang ang mga lumulupyo nga dalugdog ug kilat ang sunod-sunod nga buto sa armas niadtong tungora.

-- ADVERTISEMENT --

Giklaro sa kapulisan sa South Africa nga bisan og walay nakitang koneksyon ang duha ka krimen, nagpadayon ang ilang lalom nga imbestigasyon ug manhunt operation batok sa mga responsable.