Gikatahong mokabat sa labing menos walo ka mga bata ang namatay sa usa ka mass shooting sa siyudad sa Shreveport, Louisiana.
Matud sa tigpamaba sa Shreveport Police Department nga si Christopher Bordelon nga ang mga biktima nag-edad gikan sa 1 hangtod 14-anyos.
Dugang usab ni Bordelon human sa pagpamusil, ang suspek miikyas sakay sa usa ka kinawat nga sakyanan.
Nunot niini, nagginukuray pa ang suspek ug sakop sa kapulisan diin gikataho nga napusil ang gituohang gunman.
Hinuon, wala pay gipagawas ang mga awtoridad nga kompletong identidad sa suspek, apan si Bordelon miingon nga ang pipila sa mga bata nga namatay iyang mga paryente.
Ang pulisya nagpadayon sa ilang imbestigasyon aron mahibal-an ang motibo sa insidente ug ang kompletong gilapdon sa relasyon sa suspek sa mga biktima.
