12 patay sa mass shooting sa Johannesburg, South Africa

Naglunsad ang kapulisan sa Johannesburg sa South Africa og halapad nga manhunt batok sa mga suspek sa pagpamusil nga miresula sa 12 ka kinabuhi ang nakalas.

Sumala sa kapulisan, dili moubos sa 10 ka armadong suspek ang nalambigit sa insidente nga misulod sa Jumpers Informal Settlements ug kalit nga nagpabuto.

Gitawag sa kapulisan ang insidente nga usa ka ‘barbaric’ ug walay kasingkasing nga krimen.

Giimbestigahan usab sa mga awtoridad ang motibo sa mga suspek sa maong insidente.

Nagtuo ang pipila ka miyembro sa komunidad sa Jumpers nga ang insidente mahimong may kalabutan sa ilang panagbangi sa laing grupo bahin sa pagmina.

Nagkadaghan ang ilegal nga pagmina sa maong lugar.