LAPU-LAPU CITY- Gipangandaman sa Visayas Command (VISCOM) ang ilang security coverage alang sa Barangay ug SK Elections (BSKE) 2023 sa Camp Lapulapu, Cebu City nga adunay 17,463 ka AFP personnel ang mipasalig aron masiguro ang luwas, malinawon, ug hapsay nga proseso sa eleksyon sa tibuok Visayas region.
Gibutyag sa Commander sa VISCOM na si Lieutenant General Benedict M Arevalo PA, ang ilang paningkamot sa seguridad nga gikonsepto dili tungod kay ilang nakita nga adunay nagsingabot nga hulga ug nanghinaot kini nga malamposon ang umaabot nga eleksyon.
Ingon usab, kini nagtumong sa pagpataas sa pagsalig sa mga katawhan nga mogawas ug mobotar sa ilang kaugalingong kabubut-on ug dili tungod kay sila gihadlok o gihulga sa CPP-NPA o bisan unsang mga hulga nga grupo.
Kini maoy gipahigayon sa pamahayag nga gihimo sa 3rd Quarter Meeting sa Visayas Joint Peace and Security Coordinating Center (VJPSCC) niadtong adlawa nga Martes, Oktubre 24, 2023, didto sa Headquarters sa Coast Guard District – Central Visayas.
Ang ihap sa 17,463 ka mga AFP personnel gilangkuban sa, Enlisted Personnel, ug CAFGU Active Auxiliary (CAA).
Halos katunga kanila ang mosustiner sa nakapokus nga mga operasyong militar sa mga komunidad sa gawas sa rehiyon aron mapugngan ang CPP-NPA sa paghimo og mga lihok nga makabalda sa proseso sa eleksyon sa mga lugar.
Ang nahabilin nga katunga modugang sa PNP ug Philippine Coast Guard sa pagsiguro sa mga polling center, paglihok ug pagdala sa mga election paraphernalia, ug pagpadayon sa pagpahigayon sa COMELEC checkpoints sa kasyudaran.
Gikan sa 17,463 ka AFP personnel; 5,866 ang makakuha sa BSKE sa Rehiyon 6; 5,356 ang mosakop sa Rehiyon 7; ug kapin sa 6,000 ka personnel ang mosakop sa Rehiyon 8.
