Dul-an 175 ka mga indibidwal nga lumulupyo sa Sitio Candarong Riverside, Barangay Pulangbato, Cebu City ang anaa karon sa evactuation center gumikan sa pagdahili sa yuta nga giukopar sa mga residente.
Matod pa ni Harold Alcontin ang Officer In Charge sa CCDRRMO atol sa pakighinabi sa Bombo Radyo Cebu nga nagpahigayon na sila ug inspeksyon sa lugar kung anagayan paba kining balikan sa mga nakabakwit.
Nakigalayon na sila sa Department of Social Welfare and Services(DSWS) ug CCENRO aron sa dugang tabang sa mga apektado sa pagdahili sa yuta.
Kung kahinumduman nga nidahili ang yuta sa naasoy nga lugar sa milabay nga gabie hinungdan nga gikabalak-an sa mga katawhan.
Sa kasamtangan, Nakabalik na ang uban nga mga katawhan kadtong layo-layo sa kung asa nahitabo ang landslide.
Hinoun wala ra’y gikatahong naangol wala usab silay natala nga kadaot sa mga imprastraktura ug kabtangan.
