Mokabat sa 178 ka mga sako sa NFA rice ang gipanglubong sa lungsod sa Bantayan kagahapon, Biyernes Oktubre 9, 2026 human kini gideklarar sa NFA nga matud pa “unfit for human consumption”.
Ang matag sako adunay gibug-aton nga 50 ka kilo, nga mikabat sa kinatibuk-ang 8,900 ka kilos.
Mitambong sa paglabay sa mga nadaot nga bugas ang mga representante sa Commission on Audit kon COA ug ang mga department heads sa lokal nga panggamhanan nga sakop sa Disposal Committee.
Sumala sa report, nadiskobrehan nga ang mga sako sa bugas adunay agup-op sa panahon nga milingkod si Mayor Alex Layese.
Diha-diha usab nga nakig-alayon ang administrasyon sa National Food Authority o NFA aron masuta kon mahimo pa ba kining kan-on, apan gideklarar sa ahensya nga dili na kini luwas alang sa pagkonsumo sa tawo.
Samtang, nakig-alayon usab ang administrasyong Layese sa COA aron masiguro nga masunod ang hustong proseso sa paglabay sa mga nadaot nga bugas.
Kapin usa ka tuig ang milabay sa wala pa kini hingpit nga nahimo, tungod kay kinahanglan pang tumanon ang mga pamaagi nga gitakda sa balaod, ilabina kay kwarta sa gobyerno ug buhis sa katawhan ang gigamit sa pagpalit niini.
Apan atoang nahinabi ang kanhi Mayor sa Bantayan ug karun Vice Mayor Art Despi kabahin sa issue ining bugas nga gipang dispose.
Gihimug-atan sa bise mayor, sayop nga ipasangil nga nadaot kini sa wala pa ang bag ong administrasyon, saysay niini nga sa pagpuli sa bag ong administrasyon, walay nahitabong saktong turn-over sa mga proyekto hinungdan sa pagkabalhog ug dugay sa mga bugas.
Dugang niini, nga wala kini ma apud-apud sa iyahang termino kay dili pwede maka hatag ug bugas tungod sa election ban ug wala puy mga kalamidad ang nahitabo leading sa kataposan sa iyahang termino.
