Halos katunga sa kinatibuk-ang ihap sa mga kaso sa kidnapping nga natala sa Philippine National Police sa unang bahin sa tuig 2024 pulos mga pangilad.
Kini maoy gipahibawo ni PNP Anti Kidnapping Group Director PBGen. Cosme Abrenica sa interbyu sa media sa Kampo Crame, Quezon City.
Matod ni Abrenica, karong tuiga 2024, moabot sa 18 ka mga kaso sa kidnapping ang ilang ranggo, apan siyam niini pulos mga hoax kidnapping.
Samtang gikan sa siyam ka lehitimong kaso sa kidnapping nga natala karong tuiga, duha na ang nasulbad, tulo ang na-cleared, ug ang nahabilin nga upat nagpabilin nga gipaubos sa imbestigasyon.
Matod niya, kadaghanan sa maong mga kaso sa kidnapping karong tuiga naglambigit sa mga Chinese national ug natala sa Metro Manila.
Hinuon, gipahibalo gihapon sa opisyal nga mas ubos ang ihap sa mga kaso sa kidnapping karong tuiga kon itandi sa natala nga 13 ka lehitimong kaso sa miaging tuig sa 2023 sa samang panahon.
