Mokabat sa 18 ka mga patayng lawas ang naukay sa mga otoridad sa nagpadayong operasyon sa Brgy Sampaloc, Talisay City, Batangas, diin gituohang kapin sa 20 ka mga tawo ang nalubong nga buhi tungod sa kalit nga pagdahili sa yuta.
Lakip sa unang naukay mao ang mga patayng lawas sa 12 ka mga bata, diin pipila niini naggakos pa sa ilang mga ginikanan.
Base sa nakuhang impormasyon sa Bombo Radyo, 24/7 ang pagkubkob sa lugar gamit ang mga heavy equipment ug manpower gikan sa nagkadaiyang ahensya sa gobyerno, Philippine National Police, ug lokal nga kagamhanan.
Matod sa mga otoridad, hinay-hinay nang gigamit ang mga heavy equipment sa pagkubkob tungod sa sensitibong kahimtang sa mga patayng lawas nga gituohang kadaghanan niini mga bata.
Gigamit usab sa mga awtoridad ang K-9 units aron masubay ang mga patayng lawas.
Pipila sa nakapalisod sa rescue ug retrieval operations mao ang dagkong mga tipak sa bato, kahoy, ug bahin sa balay nga halos dungan nga nahulog sa nangatulog nga mga biktima.
Samtang sa interview sang Bombo Radyo kang Brgy Sampaloc councilor Lalie Almeda, gipahayag sa konsehal nga wala nila ginahunahuna nga malapad ang landslide nga mahitabo sa ilahang barangay.
Matod niya, unang higayon pa kini nga nahitabo ang maong insidente, ug nakugang ang tanan sa kadako sa kadaot nga namugna niini.
Bisan kung adunay mga pagdahili sa yuta sa miaging tuig, kini tanan gagmay ug wala’y hinungdan sa pagkawala sa kinabuhi.
Base sa inisyal nga imbestigasyon sa mga opisyal sa brgy, daghang yuta ug mga tipak sa bato nga gikan sa bukid nga natabunan na sa Tagaytay City, Cavite, ang nahulog sa kabalayan nga natabunan sa brgy Sampaloc, Talisay City.
Posibleng nihugno ang bakilid sa bukid tungod sa pipila ka adlaw nga pag-ulan ug hingpit nga nahugno.
Gawas sa mga lumulupyo ning maong komunidad gikabalak-an nga adunay mga langyaw usab ang naangol, apan wala pa makompirmar sa mga otoridad.
Sa pagkakaron, nagpadayon usab ang clearing operation sa mga karsada sa dakbayan sa Talisay nga natabunan sa bagang lapok ug yuta gikan sa kabukiran.
