CEBU – Nakit-an na ang usa ka 19-anyos nga babaye nga gikatahong missing sa iyang pamilya nga taga lungsod sa Consolacion, amihanang bahin sa Sugbo,usa ka baybayon sa Brgy. Daan Tabogon, Cebu pasado alas 7 sa gabii sa Miyerkules, Marso 30, 2022.
Mahinumduman nga unang gikataho nga ang inahan sa nawala nga babaye maoy nangayo og tabang sa pagpangita sa iyang anak,kay nabalaka na kini tungud kay wala na kini nag chat kaniya sulod a 24 hours.
Dugang pa ni Marifel Auman ang inahan sa biktima nga adunay mga taho nga nalambigit ang iyang anak sa illegal nga drugas,ug adunay nagpaila nga PDEA kaniya ug gikuha ang anak niini nga si Jherica Auman,niadtong Marso 20,2022.
Apan, pagka petsa 22 sa Marso nilakaw ang anak niini,ug wala na niuli sa ilang panimalay,gatoo kini nga naa lang sa barkada natulog,ug niabati na kini ug kabalaka nga 24 oras nang wala nakita iyang anak,hinungdan nga gi post niini ang anak sa social media.
Hinungdan nga hilabihan ang kalipay ni Marifel Auman nga nakita na niini ang iyang anak nga pila na ka adlawng nawala,ug nihangyu nga dili na kini usbon sa iyang anak,kay grabi iyang kabalaka ug kahadlok.
Samtang sa pikas kabahin,nangayu ug pasaylo ang anak niini nga si Jherica nga nabuhat ni niya nga walay pananghid,ug mingsaad nga dili nani niya utrohon.
