Miresulta sa dakong sunog ang nahitabong bangga tali sa oil tanker ug cargo ship sa amihanan-sidlakang dagat sa England.
Daling mipadala og mga helicopter ug lifeboat ang mga kasikbit nga mga lungsod aron sa pagtubag sa insidente.
Diin moabot sa 32 ka mga tawo ang naluwas gikan sa nasunog nga mga cargo vessel.
Ingon man nga luwas ang tanang tripulante sa US-flagged Stena Immaculate tanker sa dihang nabangga kini sa Portuguese-flagged container nga Solong.
Ang Stena Immaculate maoy usa sa 10 ka barkong militar sa US nga gigamit sa pagpadala og gasolina panahon sa mga panagbangi ug emerhensya.
Nasayran nga ang Stena Immaculate gikan sa pantalan sa Agioi sa Greece samtang ang Solong gikan sa pantalan sa Grangemouth sa Scotland ug paingong sa Rotterdam sa Netherlands.
Gisusi sa mga otoridad ang hinungdan sa maong insidente ingon man kon gani aduna ba’y oil leakage gikan sa mga barko.
