2 ka tinun-an sa dakbayan sa Carcar, nakidlatan

CARCAR CITY-Nakugang ang mga lumulupyo sa dakbayan sa Carcar human adunay duha ka tinun-an nga kalit lang nakugang kay matod pa nakidlatan kini.

Nahitabo ang maong insidente sa Barangay Liburon sa dakbayan sa Carcar kagahapon sa hapon adlaw sa Biyernes, Oktubre 11, 2024.

Matod pa nga usa ka grade 10 ug grade 11 ang naigo sa maong pagpangilat sa hawan nga dapit sa maong lugar.

Hinuon daling miresponde ang mga rescuers sa maong dapit og gidala ang duha ka biktima nga mga menor de edad sa doul nga tambalanan.

Wala usa gibutyag sa publiko ang pangan sa maong mga tinun-an apan kasamtangan kini anaa sa kustodiya sa gidalhang tambalanan.