Cebu City- 2 ang kompirmadong patay samtang 3 ang missing human nga mitikya-ob ang usa ka motorbanca sa tunga-tunga ilang biyahe gikan sa lungsod sa Carmen padulong unta sa Lungsod sa San Francisco sa isla sa Camotes kagahapon sa alas 11 sa buntag.
Giila ang namatay nga sila si Althea Gonzaga 2 anyos ug Neriza Gonzaga gibana-bana nga 30-40 anyos kung diin nasayran nga mag-inahan kini.
Matud ni Philippine Coast Guard Cebu Commander Jerome Cayabyab nga padayon nilang gisuta ang hinungdan sa pagkatik-yaob sa sakayan.
Samtang 20 kabook ka mga hamtung ang naluwas, 2 ka masuso ug 7 ka mga bata.Ang maong motor banca nagdala og 34 ka mga pasahero.
Ipaubos usab sa medical examination ang mga survivor aron sa pagsuta kung wala ba kini mga naangkon nga mga injury atol sa inisidente. Dugang pa usab ni Cayabyab nga wala may gale warning ang PAGASA mao wala silay gipagawas nga warning.
Kini subay na usab sa napanglantawan nga posibleng ang dagkong balud ug hangin ang hinungdan sa pagtikyaob. Subay sa imbestigasyon, sutaon usab nila ang tag-iya sa motor banca, ug ilang susihon ang mag documento kung kompleto ba kini ayha nila mahibaw-an kung unsa ang ilang rekomendasyon sa Marina kung unsa ang silot nga ipahamtang sa kapitan o sa tag-iya sa motor banca.
